Warbixin kooban oo ku saabsan daawayntan

Metformin waa daawo hoos u dhigta sokorta dhiiga. Inta badan dadka qaba nooca 2- ee  Sokorowga, waxay ku bilaabaan daweynta metformin, oo loo isticmaalo daawaynta nooca 2-aad ee xanuunka sokorta sanado badan.

Daawada metformin waxay u shaqeysaa inay kordhiso jirka insulin qaadashadiisa, sidaas darteed waxay kor u qaadaysaa wax qabadka insulinta jirkaada. Qaadashada daawada metformin saamayn kuma laha in miisaanka jirkaada kordho, aad ayayna u yar tahay in sokorta dhiiga hoos u dhacdo.

Sidaa u qaato metformin

Si aad uga fogaato calool xanuun iyo gaaska, qaado kiniinka (500 mg) subaxdii iyo fiidkii waqtiyada  cuntada. Eeg sida shaxda hoose:

Marka 4 usbuuc ka dib aad kor ugu kacdo qiyaasta buuxda, taas oo ah 4 kiniin, waad wadaysaa qaadashada  2 kaniini subaxii iyo 2 kaniini fiidkii. Qiyaasta buuxda waxay u dhigantaa 1 garaam oo metformin subaxdii iyo 1 garaam oo metformin ah fiidkii.

Waa inaadan qaadan metformin haddii:

• Aad ku jirato, oo aad isku aragto  matag, shuban ama neeft qaadashada oo  oo kugu yaraata, oo laga yaabo inaad fuuq baxday. Xaaladahan oo kale , waa inaad  hakisaa qaadashada daawada metformin. Cabir sokorta dhiigaaga haddii aad kari karto. Haddii loo baahadana dhakhtarkaaga la xidhiidh.

• Aad kaleyso baaritaan raajo oo wax lagaga durayo xididka dhiiga, maadama waxa lagugu durayo saameyn ku yeelan karaan shaqada kelyahaaga. 

Kala hadal dhakhtarkaada goorta aad joojinayso iyo goorta aad dib u bilaabayso, si loo ogaado natiijada baaritanka raajada ee kalyaha.

Waxyeelooyinka suurtagalka ah

Metformin waxay keeni kartaa waxyeelooyin kala duwan sida:

• rabitaanka cuntada oo yaraada
• lalabo
• matagid
• calool xanuun
• shuban.

Waxyeelooyinkan la socda daawada waxay badanaa dhacaan wax yar ka dib markaad bilowdo daaweynta. Sida badana waxay ku baaba'aan dhowr toddobaad gudahood.

Xiriir 

Haddii aad su’aal qabto, ama shakisan tahay, kala soo xiriir Sygeplejerådgivningen tlf: 39 68 08 00 maalin walba saacadaha 08:00-16:00.